Pinakamabahoe nga paubrahan it pekeng kwarta sa Spain, nadiskubrehan it mga otoridad

KALIBO, Aklan—Madinaeag-on nga nadakpan it mga otoridad sa Espanya ro pinakamabahoe nga paubrahan it pekeng kwarta partikular ro mga naga-eapnaag nga 500 euro bills.

Suno kay Bombo International Correspondent Maria Edzel Lamparero Lopez it Madrid, Spain nga nag-umpisa ro pagkalhit mga pekeng kwarta ko 2021 kung siin insigidang nagpatigayon it imbestigasyon ro mga otoridad para madakpan ro mga una sa likod kara.

Ko kan-o eamang, natumod sigon maeapit sa Barcelona ro sangka laboratoryo it fake money kung siin narekober ro kapin sa 80 million bilog nga 500 euro bills.

Masami sigon nga ginagamit ro mga pekeng kwarta sa pagbakae it iligal nga droga ag kung nagabakae sa mga establisyemento nga owa it money detector.