SPORTS News– Naipadaog it Philippine women’s national football team ro pangaywa nandang hampang sa 2023 FIFA Women’s World Cup matapos patumbahon ro New Zealand sa score nga 1-0, sa Wellington.
Nakuhit it “Filipinas” ro kadaeag-an matapos maka-goal via header ro 27-anyos nga si Sarina Bolden.
Bastante eon raya agud nga maangkon it koponan ro kauna-unahan nandang pagdaog sa Women’s World Cup.
Ko kan-o eamang kat nagpromisa ro coach it Filipinas nga si Alen Stajcic nga ika-“crash ro party” it New Zealand co-hosts matapos mapyerde it Switzerland ro mga Pinay sa iskor nga 2-0.
Naging minatuod ro mga raya sa andang kaugalingon matapos maipasueod it Filipinas ro nagaisaeahanon nga goal it hampang sa 24 minute mark nga kumibot sa mga tumaean-aw.
Madumduman nga ko kan-o eamang kat ginpyerde it New Zealand ro Norway sa iskor nga 1-0.
Natabo ro kadaeag-an maskin nga una sa ika-46 nga ranggo ro Pilipinas, mas manaba it 20 pwesto kumpara sa New Zealand.
