Magapatigayon it nationwide transport strike ag serye it protesta ro grupong transport nga PISTON kaibahan ro progresibong grupo nga Bagong Alyansang Makabayan ukon BAYAN sa Marso 19 bangud sa padayon nga pagtaas it presyo it langis.
Ginpahayag ni Bayan Panay secretary general ag No to PUV Phaseout Coalition Panay lead convenor Elmer Forro nga magapasakop sa hub-eag protesta ro mga drayber, operator, ag commuter it ibang probinsya sa Western Visayas.
Igapanawagan it mga raya ro madasig nga pag-apruba sa pagkakas sa VAT ag excise tax sa langis ag ro pagbasura it Oil Deregulation Law.
Ginpahayag dugang ni Forro nga magapadayon ro welga hasta sa inde masolusyunan ro hinaing it sektor it transportasyon bangud sa ginakabig nga band aid solution ag bukon it pangmabuhayan nga sabat ro fuel subsidy ag maging ro kakarampot nga pagtaas it pamasahe.
Eubus suno kana nga apektado ro pangabuhian it mga public utility vehicle driver sa sigidas ag mabahuean nga pagtaas sa presyo it langis.
Magahimo man sanda it noise barrage agud nga maipaabot sa gobyerno ro andang panawagan.
