Planong pagpasarado sa mga sementeryo para sa selebrasyon it pyesta minatay, suportado ko alkalde it Kalibo

KALIBO, Aklan—Suportado ni Kalibo Mayor Emerson Lachica ro pagpasarado  sa mga sementeryo sa banwa it Kalibo sa maabot nga Oktobre 31, Nobyembre  1  ag 2  sa pagdumdum it fiesta minatay.

Raya hay bilang kaparte it tikang agud nga masuk-ean ro  pagkalhit it  COVID-19.

Ro nasambit nga isyu suno kana hay natigayon eon nanda nga matalakay, apang owa pa imaw pormal nga nakapaguwa it Executive Order angot kara.

Ginpahayag it alkalde nga kaeabanan nga ginadagsa ro mga sementeryo kada minatay rason nga mabudlay nga mapatuman ro ‘physical distancing’.

Ginsuhestiyon it alkalde nga temprano lang  mag bisita  sa mga panchon it mahae sa kabuhi  agud nga makahaead ag pangamuyo ag bueak.