Plano makaron it Philippine National Police (PNP) nga pabuksan sa Criminal Investigation and Detection Group (CIDG) ro pilang mga opisyal nga napatay sa war on drugs ni dating Pangueong Rodrigo Duterte.
Kasunod raya sa naging rebelasyon ni dating Philippine Charity Sweepstakes Office (PCSO) chief Royina Garma sa Quad Committee it Kamara nga imbolbado ro sangka aktibong pulis sa pagpatay kato kay Tanauan City Mayor Antonio Halili.
Ro alkalde hay ginbaril sigon it sniper ko Hulyo 2018 samtang una sa flag raising ceremony.
Ginpahayag ni Garma nga sangka “Albotra” ro nag-istorya kana ag ginpabugae pa kara.
Ginpahayag pa ni PNP Spokesperson PBGen Jean Fajardo, nga sambilog eamang ro kaso ni Halili sa ginapabuksan mag-eowas pa sa pilang mga kaso it mga government officials nga naimbolbar sa war on drugs.
