KALIBO, Aklan—Eubus ro kalipay it barangay council it Barangay Poblacion, Kalibo matapos nga sambilog sanda sa mga National Passers of the Seal of Good Local Governance for Barangays (SGLGB) for the Assessment Year 2024.
Suno kay Punong Barangay Neil Candelario, eubus gid ro anang pagpasaeamat sa tanan nana nga kagawad, staff ag iba pa nga nagadumaea sa bilog nga barangay bangud sa nakuhit nanda ro nasambit nga kadungganan it magkasunod nga dag-on.
Ro nasambit nga kadungganan hay kadaeag-an it tanan bangud sa ginkilaea ro andang kahugod ag ro mga manami nga hinimuan sa barangay kapin eon sa pag-amlig it andang mga constituents.
Dugang pa it kapitan, nakit-an ag ginkilaea ro andang matuod-tuod nga pagpanerbisyo bilang opisyales it barangay.
Nasayuran nga kapin sa 32 nga kabarangayan sa bilog nga rehiyon it Western Visayas ro narekognisa bilang National Passers of the Seal of Good Local Governance for Barangays (SGLGB) for the Assessment Year 2024.
