Si Pope Leo XIV ro naging pangaywang Santo Papa nga nagdaea it krus sa bilog nga Via Crucis ko Good Friday sa Colosseum sa Rome.
Kaibahan it ginatantyang 30,000 nga tumuoe-o ag milyon-milyong katawo sa bilog nga kalibutan, ginpangunahan ni Pope Leo ro pagbaktas sa Way of the Cross sa tunga it mga candlelit ruins it sinaunang Roman amphitheatre, kon sa siin maabong tempranong Kristiyano ro naging martir.
Ro Colosseum, nga gin-umpisahan ni Emperor Vespasian ag natapos ko 80 AD ni Emperor Titus, hay ro pinakamabahoe nga elliptical amphitheatre ko sinaunang tyempo nga ko ulihi hay naging balaan nga simbahan.
Kada dag-on, nagatipon ro Papa ag mga tumuoe-o it Rome sa Colosseum agud himuon ro espiritwal nga pagbaktas sa 14 Stations of the Cross, nga nagalarawan sa kamatayon ni Hesus.
Si Pope Leo XIV hay sumunod sa yapak ni Pope St. John Paul II, nga nagdaea man it krus sa bilog nga Via Crucis halin 1980 hasta it 1994.
