KALIBO, Aklan—Ginpaathag ni Louie Tabios, tagapaghambae it Cooperative Alliance for Modernized transport Business Industry Corporation ro positibong epekto it Public Utility Vehikol Modernization Program nga padayon nga ginaduso it gobyerno.
Suno kana, maabo eon ro nagpaconsolidate partikular ro una sa andang sektor nga kapin sa 23 primary cooperatives bangud sa naklaruhan ro mga raya sa programa nga ginapatuman it gobyerno nga para sa andang ikamayad nga mga drivers and operators.
Engkasong mapaidaeom sa modernization program, maabo ro nakabantay sa transport cooperative kaparehas it Bureau of Internal Revenue, Land Transportation Franchising and Regulary Board ag ro Depatment of Transportation rason nga una sa mayad nga alima ro pondo it kooperatiba bangud nga liquidated ro tanan nga transaksyon ag sentimo nga ginasueod ag ginaguwa sa kooperatiba.
Mag-eowas kara, may mga benepisyo ag dibidendo eon ro mga operators and drivers nga magamit sa ulihing inadlaw kon sanda hay maggueang eon sandig sa regulasyon nga ginapatuman it Department of Labor and Employment.
Nasayuran nga maabo gihapon ro uwa nagpaconsolidate bangud sa uwa ro mga raya naila nga magpasakop sa nasambit nga programa rason nga makabig eon sanda nga colurom nga nagabyahe sa mga nagapangunang karsadahon.
Apang, uwa pa it striktong pagpanakop sa mga raya.
