KALIBO,Aklan– Gindagsa it mga aplikante ro pre-registration and screening it passport on wheels sa probinsya it Aklan nga inisyatibo it sangguniang panlalawigan it Aklan ag gobyerno probinsyal kadungan sa passport on wheels nga ginrequest man it lokal nga gobyerno it Kalibo.
Suno kay Merlyn Montaño, focal person it passport on wheels it gobyerno probinsyal nga kapin sa 1,200 ro napanupuran it mga forms apang masobra sa 700 ka mga indibidwal pa ro gusto kunta nga makahingabot sa slot nga gintaeana it Department of Foreign Affairs ukon DFA.
Sa pihak kara ginpahayag dugang ni Montaño nga kabilugang naging madinaeag-on ro nasambit nga aktibidad kon sa siin usisaon anay nanda ro andang data kon ro 1,200 nga nakabuoe it form hay naiproseso tanan.
Kon uwa suno kana hay may tyansa ro mga nagpalista bangud nga sanda ro ibueos sa mga slot nga nakansel ukon uwa gin-adtunan it aplikante.
Angot kara, pagatinguhaon sigon nanda nga maengganyo ro gobyerno probinsyal nga maging regular eon ro nasambit nga programa bangud sa nakit-an nga kaabuon it numero it mga gustong makaangkon it passport.
