KALIBO, Aklan—Ginklaro ni Sherly Regalado, presidente it Kalibo migrant support nga uwa kanda naghueam it kwarta ro festival organizer nga Kalibo Sr. Sto. Niño Ati-Atihan Management Council, Inc. ukon KASSAMACO kundi sanda mismong mag-asawa ro boluntaryong nagpahueam it kwarta nga nagabalor it P500,000 pesos nga uwa it maskin pila nga interest.
Suno kana, bilang bulig sa festival organizer it Kalibo Ati-atihan Festival 2020 hay boluntaryo sanda nga nagtanyag it financial support.
Nasayuran sigon nanda kon man-uno kalisod magdumaea it pinakamabahoe nga event rason nga boluntaryo sandang nagtanyag it nasambit nga kantidad nga makabulig sa kinahang-eanon it mga opisyal.
Ginklaro dugang ni Regalado nga bukon it munisipyo it Kalibo ro nagbayad kanda kundi mismong ro KASSAMACO bangud nga ro transaction hay natigayon sa tunga nanda ag bukon it sa LGU.
Nauna eon nga naputos it kontrobersiya KASSAMACO matapos nga nadelay ro pagsumiter nanda it financial report kaangot sa nagtaliwan nga ati-atihan festival 2020.
