Presyo it asukar, sangkiri eamang ro gin naba sa presyo sa merkado

KALIBO, Aklan—Nagapabilin nga bukon it bastante ro sangkiri nga gin-naba sa presyo it kada sako it asukar nga ginabagsak sa mga merkado publiko.

Suno kay Betty Robelo, sugar vendor sa Kalibo Public Market nga naga-abot eamang sa P30 hasta P50 ro bawas sa presyo it kada sako it gina-deliver kanda nga asukar.

Halin sa dating P4,600 hay bumagsak sa P4,500 ro kada sako it putting asukar samtang P3,410 ro kada sako it wash sugar ag P3,200 ro brown.

Ginaeauman nga maga-naba eon ro presyo it asukar umpisa makaron nga buean hasta Oktobre bangud sa pag-umpisa it harvest season.