KALIBO, Aklan—Bangud sa kakueangan it supply ag sigidas nga pagtinaas it presyo it produktong petrolyo, inde eon man maawat ro pagtaas sa mga nagapangunang baeak-eon partikular sa suea nga manok./
Suno sa vendor nga si Roselyn sa Kalibo public market, kapin sa P200 pesos eon presyo it kada kilo it manok makaron nga tyempo.
Ginpaathag sigon it andang supplier nga sangkiri ro supply bangud sa bird flu outbreak ag sa sunod-sunod nga pagtaas ko presyo it langis.
Sa kapital nga P185 pesos, inde eon sanda makapatong it mabahoe bangud nga nagakulit eon ro mga bumaeakae ag masyado eon nga mahae ro P200 pesos para sa may mga maisot it sweldo.
Haeos 50 porsyento suno kana ro nabuhin sa andang ginabaligya kada adlaw bangud sa kamahaeon ag eksakto eon lang pambakae it pagkaon sa pang adlaw adlaw ro andang ginakita.
Mag-eowas kara, sigidas man ro pagtinaas ko presyo it mga bahog rason nga nagabuhin eon man ro mga nagaalaga it sapat bangud nga bukon eon it bastante ro andang ginakita.
