NATIONAL News — Gulpi nga nagnaba it masobra sa 5% ro presyo it produktong petrolyo kasunod it report nga ginpahayag ni Israeli Prime Minister Benjamin Netanyahu kay US President Joe Biden nga indi nana pag-atakehon ro crude ukon nuclear facilities it Iran.
Nagnaba man ro major stock markets bangud sa pag-decline sa Shanghai, Hong Kong ag London, samtang nagsaka sa Frankfurt nga nagapakita it pagbangon it investor confidence.
Suno sa report, nagnaba man it masobra sa 5% ro presyo it nagapanguna nga US oil contract nga West Texas Intermediate.
Raya man hay natabu sa European benchmark nga Brent North Sea.
Ro presyo it produktong petrolyo sa world market hay mabahoe nga factor sa presyuhanay it petrolyo sa Pilipinas.
Ko Martes nga adlaw hay haeos P3 ro ginsaka it presyo it gasolina, krudo ag kerosene.
