PRO-6 target nga ipaidaeum sa drug test ro 100% it kapulisan sa Western Visayas antes nga matapos ro makaron nga dag-on

KALIBO, Aklan — Target it Police Regional Office 6  ukon PRO6 nga ipaidaeum sa drug test ro 100% it kapulisan sa bilog nga Western Visayas antes matapos ro dag-on.

Suno kay PRO6 Spokesperson P/Lt. Col.  Arnel Solis nga nagapadayon ro andang  drug tests sa kapulisan sa bilog nga rehiyon.

Sa makaron hay owa pa man sanda it may nai-record nga pulis nga nagpositibo sa drug test.

May  mga ginapatigayon man nga random ukon surprise drug test eabi eon kon  may mga ginadudahan ukon napabalita nga may pulis nga nagagamit it illegal nga droga.