-- ADVERTISEMENT --
Apektado man it pagtaas it presyo it asukar ro mga manufacturer it bueong.
Ginpaabot ni Higinio Porte, Jr., Pangueo it Philippine Pharmaceutical Manufacturers Association nga apektado ro produksyon nanda it syrup ag suspension nga ro 20% to 30% formulation hay himo sa asukar.
Ginpahayag ni Porte nga indi man basta basta nga makapataas it presyo ro mga naga-obra it bueong rason nga naga apela sanda sa gobyerno nga pabaskugon ro lokal nga produksyon it asukar nga imaw ro ginaboe-an nanda it raw materials bangud nga mahae man ro imported nga alternatibo para kara.
Gina-absorb eamang sigon it manufacturers ro haeos 100 pesos nga balor it refined sugar kada kilo.
