KALIBO, Aklan — Matsa naloko it gobyerno ro mga taga-isla it Boracay kat uwa kara natuman ro promisang matapos ro rehabilitasyon sa gintaeanang tyempo.
Ginpasarado ro isla sa sueod it an-om nga buean halin ko Abril 26 agud taw-an it daean ro paglimpyo ag rehabilitasyon matapos bansagang cesspool ni Pangueong Rodrigo Duterte.
Apang, gin-insister it pilang business establishment nga raya hay sangka promisang napas-eawan bangud soft opening pa eamang ukon first phase it rehabilitasyon ro matabo sa Oktubre 26.
Sa interview it Bombo Radyo Kalibo, ginpahayag ni Jude Aquino, head it engineering department it Estacio Uno Boracay nga ginapanag-yahan it negosyanteng si Marcelino Florete, Jr. nga uwa it kahauman ro gobyerno para sa an-om nga bueang pagpasarado sa isla.
Uwa it klarong plano ag guidelines sa mga empleyadong nawad-an it trabaho ag kalugihan it mga business operators.
Aminado si Aquino nga malimpyo eon ro frontbeach apang ro main road hay matsa war zone gihapon ag imposibleng mahingabot sa Oktubre 26.
