KALIBO, Aklan—Aprubado eon it sangguniang bayan it Kalibo ro resolusyon ni SB member Matt Aaron Guzman nga pagtau it all access pass sa tanan nga mga local vloggers ag sa iba pang mga interesadong content creator sa bilog nga nasyon nga gustong mag-cover sa nagahilapit nga Kalibo Sr. Sto. Niño Ati-Atihan Festival 2025 .
Suno kay Guzman nga nagapangunang tinutuyo kara nga mas pang ma-promote ro festival bukon eamang sa nasyon kundi sa bilog nga kalibutan bangud sa maeapad nga coverage it social media.
Pinaagi sigon kara hay makaangkon it pagbueuligan ro LGU-Kalibo ag mga vloggers agud nga maipakita sa bilog nga kalibutan ro masadya ag makolor nga selebrasyon it ginakabig nga ‘Mother of All Philippine Festivals’.
Nakadepende eon sigon sa event organizer ag municipal tourism office ro pagdetemina sa mga vloggers nga kwalipikadong mataw-an it access sa tanan nga mga event it weeklong nga selebrasyon.
Sa mga interesado kinahangean eamang nga magpa-rehistro agud nga ma-regulate ukon ma-supervise ro andang gina-obra nga vlog.
