KALIBO, Aklan—Umarangkada eon ro ika-9 nga Provincial Rescuelympics 2024 nga ginpatigayon sa Aklan Calangcang Sports Complex.
Nagkaeain-eain nga mga Municipal Disaster Risk Reduction and Management Office ukon MDRRMO ro nagpasakop para sa inter-municipality category; nagkaeain-eain nga mga eskwelahan sa kada distrito para sa inter-school, mga eskwelahan para sa inter-high school ag inter-colleges category ag iba pa.
Sa pagpakitang gilas sa pagpatigayon it emergency and disaster response skills, pagahingaeanan kara ro magiging overall champion kun sa siin may nagakaigo nga cash prize ag plaque of recognition.
May mga gintau man nga special awards sa mga nagpartisipar partikular ro Best display in Rescue Equipment, Best in Basic Life Support, Biggest Contingent, Best in Vehicular Extraction , Best in First Aid scenario, Best in Fire Fighting, Best in Uniform, Best in Safety Analysis, Best in Water Search and Rescue, Best in Multiple Casualty Scenario, Most Discipline Team and Best Swimmer ag iba pa.
Tuyo it rescuelympics nga matestingan ro kahauman ag ikasarang sa pag-responde sa disaster and emergency situations.
Ro sang adlaw nga rescuelympics hay gin-organisa it PDRRMO-Aklan.
Ro aktibidad hay bilang kaparte it pagahiwaton nga Aklan day sa maabot nga abril 25 ukon ro opisyal nga pagdeklara it kahilwayan it aklan halin sa probinsiya it Capiz ko 1956.
