KALIBO, Aklan—Makabig nga unpredictable ro resulta it masunod nga hampang sa tunga it mga nabilin nga koponan sa nagapadayun nga FIFA World Cup 2022.
Suno kay David Abella, sangka football coach nga literal nga bilog ro bola rason nga bukon it madali masayuran kung sin-o ro magapangibabaw sa torneo.
Raya hay matapos nga maka-eusot sa semi-finals it daywang underdog team nga Croatia ag Morocco.
Samtang, ginapanan-aw man kara nga posibleng magtapos sa penalties ro hampang it Argentina vs Croatia sa adlaw it Miyerkules.
Indi sigon dapat pag-isalig it koponan ro puntos kay football superstar Lionel Messi sa baylo hay maghampang sanda bilang sangka team.
Raya sigon ro sekreto it Croatia rason nga nahimo nanda nga makasueod sa semis.
Bukon sigon it importante ro pangaean sa paghampang it football bangud ro mas kinahang-ean hay kung paano magbuylog ro kada miyembro.
