SPORTS News– Naka-uli it bueawan nga medalya si Robyn Lauren Brown sa women’s 400-meter hurdles it 25th Asian Athletics Championships sa Supachalasai National Stadium.
Ginpiyerdi ni Brown, ro anang daywang pinaka-dikit nga kontra sa katung-anan it ulihing 200 meters para mauna nga may oras nga 57.50 seconds.
Ginsundan imaw ni Eri Utsunomiya it Japan nga may 57.73 seconds ag Ami Yamamoto nga may 57.80 seconds.
Ro Filipino-American ro presenteng national record holder nga may oras nga 56.44 seconds sa ulihing biennial meet.
Sa pihak it kadaeag-an si Brown hay sa likod pa gihapon it tatlong segundo sa Olympic standard mark nga 54.85.
Ginaeauman nana nga mabuoe raya it mas temprano ukon sa ulihing adlaw it Paris Olympic qualifiers sa Hunyo 30, 2024.
