International News——–Nagpaguwa it all-out assault ro Russian forces sa Azovstal steelworks, ro ulihi nga holdout sa kabisera it Mariupol suno sa Ukrainian forces.
Suno sa commander it Azov regiment nga padayon ro pakigbatu it Ukrainian forces sa madugo nga giyera sa sueod it planta sa ikaywang adlaw.
Nasayuran nga ro mga Russian forces hay nakasueod eon sa teritoryo it Ukrainian forces partikular sa planta matapos ro pilang adlaw nga owa it pahuway nga pag-atake.
Ginapatihan nga kapin sa 200 sibilyankaibahan ro mga onga ro naeakot sa giyera sa sujeod it planta.
Sa sangka video message, ginpinagmalaki ni Azov commander Denis Prokopenko ro ana nga pagdayaw sa kaisog it anang mga sunsado nga nagbilog sigon it superhuman efforts para macontain ro pagsukob it kontra ag ginpahayag nga ro sitwasyon sa makaron sa nasambit nga lugar hay malisod sa gihapon.
Kasunod kara, uman nga nag-apela it bilog sa UN si President Volodymyr Zelensky para maeuwas ro kabuhi it mga inosenteng sibilyan nga nagapabilin sa nasambit nga planta.
Samtang, nagpromisa man ro Russia nga magapatuman it ceasefire umpisa makaron nga adlaw it Huwebes, Mayo 5 hasta sa Mayo 7 (08:00 to 18:00 Moscow time) para mataw-an it daean ro euwas nga pag-evacuate it mga sibilyan maghalin sa Azovstal plant.
