NATIONAL News — Nagapadayon ro pag-usoy sa pugante nga si Pastor Apollo Quiboloy sa Kingdom of Jesus Christ (KOJC) compound sa Davao City makaron nga adlaw, Agosto 27.
Raya eon ro ika-ap-at nga adlaw sa pag-usoy it kapulisan sa self-proclaimed ‘appointed son of God’ sa 30 ektarya kara nga propiyedad.
Mabaskog ro pagpati it Philippine National Police (PNP) nga nagapanago eamang si Quiboloy sa underground bunker it compound.
Suno kay (PNP) Region XI Director P/Brig. Gen. Nicolas Torre III, nabudlayan sanda nga ma-usoy ro eksakto nga lokasyon ni Quiboloy bangud nga mag-eowas nga masyadong maeapad ro lugar ag maabu ro mga areas nga puwede kara nga panaguan, kueang pa ro pwersa it kapulisan sa area eabi pa ag nagapamaeabag ro mga miyembro it KOJC sa guwa it compound.
Angot kara, maga-augment eon ro linibo nga mga pulis halin sa pilang mga rehiyon it nasyon agud nga madugangan ro numero it mga pulis sa Davao City.
