KALIBO, Aklan—Patay ro sangka 31 anyos nga eaeaki matapos nga ginbaril it mga owa pa makilaeang suspek sa Sitio Maeobog, Brgy. Calizo, Balete.
Suno kay Vicitacion, Quindong, ina it biktima nga kahapon kat bag-ong guwa eamang it Aklan Rehabilitation Center ukon ARC ro anang unga nga si George Quindong, 31 anyos, owa it asawa ag residente it nasambitan nga lugar natabo ro insidente.
Ginapahayag nga samtang nagabaktas sanda nga daywa it anang unga nga si George hay gulpi eamang nga may nag-abot nga daywang ka mga eaeaki sa andang likod sakay it motorsiklo ag gulpi eamang nga ginpaueanan it baril ro biktima.
Ko ulihi hay natumba eamang sa anang natindugan ro biktima apang ginpaeapitan pa it mga suspek ag gin-finishing hasta nga mamatay.
Dugang pa kara nga ro napan-uhan eamang sigon nana sa mga suspek hay ro daywang ka mga eaeaki nga naka-itom it eambong ag helmet.
Ginasugid nga kapin sa pito hasta waeo nga eupok it baril ro nabatian it mga pomoeuyo maeapit sa lugar nga natabuan it krimen.
Nasayuran nga ko buean it Setyembre kat ginkulong ro biktima matapos nga ireklamo bangud sa anang pagmaoy.
Nauna kara na-imbolbar man ro biktima sa pagpatay sa anang tiyo.
