KALIBO, Aklan—Nakuhit it sangka Akeanon ro Top 9 spot sa April 2024 Physicians Licensure Examination.
Si Dr. Mary Angelie C. Cabañez nga residente it Brgy. Linabuan Sur sa banwa it Banga hay nauna eon nga nakuhit ro Top 1 spot sa 2017 Nursing Licensure Examination.
Imaw hay nagtapos it sekondarya sa Regional Science High School for Region VI ag nagbuoe it kursong medisina sa West Visayas State University-La Paz.
Nauna eon nga gin-anunsyo it Professional Regulation Commission (PRC) nga kapin sa 1,906 ro nakapasa sa nasambit nga prestihiyosong eksaminasyon maghalin sa kabilugan nga 3,434 nga nagbueo sa mga testing center nga gintao it Board of Medicine sa National Capital Region, Baguio, Cagayan de Oro, Cebu, Davao, Iloilo, Legazpi, Lucena, Pampanga, Rosales, Tacloban, Tuguegarao ag Zamboanga.
