KALIBO,Aklan — Nag-apela ro sangka ginang sa National Grid Corporation of the Philippines ukon NGCP nga ulikdon ro andang obligasyon sa anang onga nga naimbolbar sa aksidente ko buean it Oktobre 2022 sa bypass road sa Brgy. Tondog, Tangalan.
Suno kay Lorenda Repiedad nga nabalian it siki ag siko ro anang onga nga si Michelle Traje, 47 anyos matapos nga masaeawig it truck it NGCP ro motor nga ginasakyan kara nga ginamaneho it anang bayaw.
Angot kara, ginkinahang-ean sigon nga istainless ro anang mga bali ag nakagastos it mabahoe nga kantidad.
Ko ulihi sigon hay uwa gihapon nagmayad rason nga ginsuhestyon it doktor nga istainless apang mabahoe man nga kantidad ro andang pagakinahang-eanon ag haeos pilang buean imaw nga naconfine sa ospital.
Apela nana sa nasambit nga ahensya nga mabuligan sanda bangud nga kumpleto man ro andang mga requirements base sa ginapangayo it NGCP.
Pilang buean eon suno kana sanda naga-antus ag uwa gihapon kanda it sabat ro NGCP
