Sangka paper company sa Guangdong, China, ro nagatau it bonus sa andang mga empleyado pinaagi sa pagpadaeagan kanda imbes ro nakasanayan nga i-base raya sa andang performance.
Suno sa chairman nga si Lin Zhiyong, ginatumod ro igatau nga bonus sa kaeawig it andang ginadaeagan kada buean.
Obligado sanda nga maghimo it 62 miles kada buean kun gusto nanda nga makabo-oe it annual bonus nga nagabalor it 130% it andang kada buean nga sweldo. Makabo-oe sanda it andang annual bonus nga katumbas it sang buean nga sweldo kun maabot nanda ro 31 miles kada buean.
Samtang, ro mga hardcore runners mat-a hay makabo-oe it libre nga pares it running shoes kun makadaeagan sanda it 31 miles kada buean ag ma-maintain it hasta sa an-um nga buean.
Sa mga makadaeagan eamang it 19 miles kada buean, entitled sanda it dag-unan nga bonus nga nagabalor it 30% it andang kada buean nga sweldo.
