KALIBO, Aklan—Naging mainit ro pagbaeayluhan it tinaga it mag-asawang ag jerryl ag eunice olog sa programang bombohabay.
Raya hay matapos nga gin-reklamo ni misis si mister it pagpanakit ag pag angkon it kabit.
Suno sa 37-anyos nga misis nga pilang beses nana nga nadakpan nga nagabaeayluhan it “I love you” ro anang mister ag ro anang 55-anyos nga kabit nga si alyas nenette sa cellphone.
Mag-eowas kara, nagtukod pa sigon it payag ro babaye ag haeos managob eon nga mag-uli ro anang asawa sa andang baeay halin sa andang taeamnan it mais.
May kahigayunan pa sigon nga kat nag-uli imaw sa libacao hay gina-alegar nga gindaea it anang asawa ro babaye sa andang baeay sa Linabuan Norte.
Samtang, umpisa nga magtuhaw sigon ro anang pagduda hay pirme eon sanda nga naga away nga mag-asawa nga nagaresulta sa pagsakit kana.
Ro mag-asawa hay may pitong unga samtang ro gina alegar nga kabit hay bueag sa asawa ag may tatlong unga.
Nag umpisa sigon ro andang owa pag-ilintindihan ko hunyo it makaron nga dag-on.
Nagaduda man imaw nga gin-eumay ro anang asawa base sa resulta it anang pagpaban-aw.
Sa pihak nga parte, hugut nga ginpamalibaran it mister nga may anang kabit.
Kasosyo sigon nana ro gina-selosan it anang misis.
Nagapati man si jerryl nga selos ro rason it andang owa pagka-ilintindihan.
Naga-ini-magine sigon ro anang asawa it mga kong anu-ano bangud sa grabeng selos.
Ginasakit man sigon it anang misis ro anang kaugalingon kon mahilong.
Samtang, haum nga makipagbalikan si mister sa kundisyon nga ro anang misis ro boluntaryong maga-uli sa andang baeay.
Nagapanindugan man si misis nga indi eon makipagbalikan kay mister, apang naga-demand it pinansiyal nga suporta para sa andang mga maintok nga mga unga.
