KALIBO, Aklan—Nagtuga it kapierdihan sa sangka motorista matapos nga nagkaeayo ro anang motorsiklo sa national highway nga sakop it Barangay Linayasan, Altavas, Miyerkules it agahon.
Suno sa Bureau of Fire Protection (BFP)-Altavas, natabu ro insidente alas-8:00 it agahon samtang nagabiyahe sa lugar ro motorsiklo.
Owa man it napabalita nga naninahan sa insidente.
Ginasugid nga nasudlan it tubi ro carborador it motorsiklo rason nga tumirik samtang sa tunga it karsada.
Raya hay nagkaeayo matapos nga pilit nga ginpaandar it uman bangud sa nagkalhit nga gasolina.
Dugang pa nga nagtagas ro gasolina matapos nga mabuksan ro fuel filter.
Ginasugid nga ro motorsiklo hay ginapanag-iyahan it sangka lending collector nga tumandok it Guimaras ag naka-assign sa Aklan.
Nagbayanihan ro mga pumueuyu sa lugar rason nga insigidang natapna ro kaeayo pinaagi sa pagsabya it baeas.
