KALIBO, Aklan — Sangka motorsiklo ro totally burned samtang daywang iba pa ro partially damaged matapos nga gulpi eamang nga nasunog samtang naka-park sa garahe it sangka baeay sa prente it AKELCO substation sa Brgy. Pook, Kalibo, pasado alas-9:00 it gabi-i it Miyerkules, Hulyo 31.
Nagapadayun ro imbestigasyon it Bureau of Fire Protection (BFP Kalibo) sa ginhalinan it kaeayo .
Ginasugid nga ro nasambit nga mga motorsiklo hay ginapanag-iyahan ni Fr. Jude Rebaldo, manghud ni Sangguniang Bayan member Raymar Rebaldo .
Sa limang motorsiklo nga naka-park, sa mayad nga swerte nga tatlo eamang ro naapektuhan .
Owa man it naninahan sa insidente, apang gintinguhaan nga matapna ro kaeayo sa bulig it pamilya Rebaldo ag pilang mga naka-duty nga lineman it Akelco agud nga malikawan nga madaeahig ro iba pang mga saeakyan nga naka-park sa sueod man it garahe .
Naggamit ro mga raya it tubi ag baeas sa pagtapna sa kaeayo.
