KALIBO, Aklan—Ginsaysay it sangka supultorero sa bahin it Old Roman Catholic Cemetery ro pila sa anang eksperyensya sa sueod it pilang dag-on nga pagtrabaho sa nasambit nga sementeryo.
Suno kay Eulysis Cipriano, supultorero it Old Roman Catholic Cemetery nga bata pa eamang imaw hay masami eon sanda nga nagahampang sa lugar.
Sa pagtaliwan sigon it mga dinag-on nakaangkon man imaw it mga kakaibang eksperyensya kapareho it paghugom it pabango ag kandila apisar nga nagaisaeahanon eamang imaw nga nagalimpyo sa sueod it sementeryo.
Pila sigon sa mga personalidad nga gin-eubong sa Old Roman Catholic Cemetery hay ro dating gobernador it probinsya it Aklan nga si Jose Raz Meñez ag ro dating alkalde it banwang Kalibo nga si Barrios.
Makit-an man sigon sa lugar ro statwa kara ag ro mismong lapida kung siin raya nakahamyang.
