Nagapadayon ro search and rescue operation it mga otoridad sa Italian holiday island it Ischia (iskiya) kasunod it maeapnagon nga pagbaha ag pagkahugos it eogta tuga it sigidas nga pag-inuean.
Suno kay Bombo International Correspondent Armie Esparcia-Delos Sanos it Milan, Italy nga sambilog ro nailistang namatay nga sangka 31 anyos nga babaye samtang 11 nga iba pa ro missing nga ginakaeakipan it daywang ka pamilya ag bag-ong onga nga eapsag.
Ro nasambit nga isla hay mabukid kon siin tumama ro mabaskog nga uean sa may port it Casamicciola Terme nga sambilog sa an-om nga maisot nga banwa sa isla.
Angot kara, sigidas ro pagpadaea it bulig it gobyerno it Italya kon siin naibakwit eon sa mas eowas nga lugar ro mga pumueoyo nga nagaistar sa nasambit nga lugar.
Ro Ischia (iskiya) hay sangka bulkan nga isla nga naga-enggayo sa mga bisita sa mga thermal bath kara ag nakakabilib nga mabukid nga baybayon.
Ko 2006 nakaangkon man it pagkahugos it eogta sa nasambit nga isla.
Sa makaron suno kay Delos Santos hay sigidas gihapon ro pag-inuean ag inde malikawan ro pila pang ka mga landslides bangud sa paghumok it mga eogta.
