Nag-aywan it P80.80 million nga haega sa kasamaran sa sektor it agrikultura ro pilang adlaw nga pagdaeasa it bagyong Kristine sa nasyon.
Base sa damage assessment it Department of Agriculture (DA), nakaapekto ro kalamidad sa kabilugan nga 2,864 mangunguma sa Cordillera, MIMAROPA, Bicol ag Western Visayas.
Ro haega it production loss hay ginabueubanta nga una sa 5,287 metrikong tonelada eakip ro 1,570 ektarya it agricultural land.
Samtang, nagapadayon ro damage assessment sa field, ginasaligan nga ro kasamaran ag lugi sa sektor it agrikultura hay gataas ag mahimo maapektuhan pa ro mga dugang nga commodities.
Angot kara , nagpahaom ro ahensiya it mga interbensiyon para sa mga apektadong mangunguma kaibahan ro agri inputs, loan halin sa Survival and Recovery program ag indemnification it apektadong insured farmers paagi sa Philippines Crop Insurance Corp.
