-- ADVERTISEMENT --
KALIBO, Aklan—Makolor ag masadya ro selebrasyon it Paskwa sa Portugal.
Kaeabanan nga ginabuksan ro city lights ag Christmas market kada katapusan it Nobyembre.
Suno kay Bombo International Correspondent Rice Enalao nga mayorya sa mga pumueoyo idtu hay mga Katoliko ag Kristiyano.
-- ADVERTISEMENT --
Ro espiritu it Paskwa hay mabatyagan man sa palibot bangud sa mga dekorasyon ag paiwag nga makit-an sa kada panimaeay ag daeanon.
Nauso man sigon idtu ro pagtaeaw-an it bunos ag pagpatigayun it Christmas party antes ro Disyembre 24.
Samtang, ro noche buena ag mismong adlaw it Paskwa hay ekslusibo para sa bilog nga pamilya.
Kaeabanan sigon sa ginahanda it mga pumueoyo hay ro codfish, roasted goat, turkey ag lumbfish.
