Gin-engganyo ni Senate Minority Leader Aquilino “Koko” Pimentel III si Pangueong Ferdinand Marcos Jr. nga ikonsidera ro uman nga pagpasakop it Pilipinas sa International Criminal Court (ICC).
Gnhimo it senador ro panawagan sa atubang it mga miyembro it diplomatic community sa ginpatigayon nga 3rd Iteration of the Foreign Policy Address sa Department of Foreign Affairs (DFA).
Ginpunto ni Sen. Pimentel nga ro uman nga pagpasakop it Pilipinas sa ICC hay magaserbe bilang insurance policy kontra sa mga posibleng pang-abuso it mga lider engkasong mapas-eawan ro justice system it nasyon.
Si Sen. Pimentel ro nagpanguna sa imbestigasyon it Senate Blue Ribbon committee sa kontrobersiyal nga war on drugs it nakataliwan nga Duterte administration ko Oktubre 28.
Madumduman nga nauna eon nga nagkakas ro Pilipinas halin sa ICC sa idaeom kato ni dating Pangueong Rodrigo Duterte kasunod it paglunsar it international tribunal ko 2017 it imbestigasyon sa madugong kampaniya it Duterte administration kontra ilegal nga droga.
