Sangka senior citizen halin sa Cebu City ro maswerte nga nagdaog it masobra P100 million sa Ultra Lotto 6/58 draw suno sa Philippine Charity Sweepstakes Office.
Ro maswerteng bettor hay nagdaog it jackpot nga P100,331,631.91 pagkatapos nga natay-an ro kombinasyon nga 29-52-49-55-25-09 sa draw ko Marso 17, 2026.
Suno sa PCSO, owa eagi na-claim it nagdaog ro anang premyo bangud waeong adlaw pa antes imaw nga nag-agto sa opisina it PCSO sa Mandaluyong agud boe-on ro anang nadag-an.
Paga-isipan pa sigon nana it mayad kon ano ro masunod nga mga tikang nga pagahimuon.
Ginpakigbahin man it senior citizen nga 25 anyos eon imaw nga nagataya sa lotto ag owa imaw nagaeaum nga makadaog it kabahoe nga kantidad.
Owa eon nagtau pa it dugang nga detalye ro PCSO angot sa pagkatawo it nagdaog para sa anang seguridad.
Samtang, owa pa it may nagdaog sa masunod nga mga draw it Mega Lotto 6/45 ag Grand Lotto 6/55 rason nga ginaeauman nga mas pa nga magataas ro andang jackpot prizes.
