BALITANG Espesyal —- Sangka 60-anyos nga eaeaki sa Germany ro gin-aresto it mga awtoridad matapos madakpan nga 90 beses eon imaw nga nagapabakuna it COVID-19 vaccine sa sueod it pilang buean.
Raya hay agud nga ibaligya ro anang mga vaccination passport sa mga tawong owa naila nga magpabakuna!
Nabuking ro owa ginpangaeanan nga eaeaki ko Abril 2 sa sangka vaccination site sa Eilenburg.
Natandaan imaw it sangka staff idtu nga daywang magkasunod nga adlaw eon imaw nga nagapaturok.
Nabo-oe sa eaeaki ro vaccination cards nga may mga nagkaeain-eain nga pangaean ag pilang blanko ag owa pa it nakasueat nga pangaean.
Nasayuran nga ro mga ginabaligyaan nana it mga vaccination cards hay mga antivaxxer ukon mga tawong owa naila nga magpabakuna.
Sa makaron, owa pa it nakikita nga side effects it ginahalo-halo nga COVID-19 vaccine sa eawas it eaeaki.
Temporaryong ginpahilway ro eaeaki ag under investigation imaw sa kasong issuing vaccination cards illegaly ag forging documents.
