Ginasaligan nga maga-atubang sa pagpamati sa Senado sa adlaw it Martes, Agosto 27 ro naaresto nga sanday Sheila Guo, igmanghod it ginpahalin nga si ex-Bamban Mayor Alice Guo ag Cassandra Ong, representante it Lucky South 99 POGO hub nga ginsalakay it mga awtoridad sa Porac, Pampanga ag Corporate Secretary it Whirlwind Corporation.
Sa sangka statement, hinambae ni Senate Spokesperson Arnel Jose Bañas nga ginsiguro it National Bureau of Investigation ro pag-adto nanday Guo ag Ong sa imbestigasyon.
Ro NBI man ro magadaea sa 2 paadto ag pahalin sa Senado.
Igaturn-over man nana sanday Guo ag Ong sa Senado pagkatapos it inquest proceedings.
Busision sa scheduled hearing sa Martes ro pagtakas dating alkalde halin sa Pilipinas sa pihak it existing arrest ag immigration lookout orders sa mga krimen may kaangtanan sa POGOs.
Pagapangunahan it Senate Committee on Justice and Human Rights ro pagpamati kaibahan ro Committee on Women, Children, Family Relations and Gender Equality ag ro Senate Committee on public services bilang tertiary committees.
Taw-an man it kahigayunan sanday Guo ag Ong nga magpresenta it andang statement ag magbulig sa mga nagapadayon nga talakayan ag imbestigasyon.
Samtang, suno kay NBI Dir. Jaime Santiago, ipaatubang nanda ro daywa sa Senado.
