BALITANG Espesyal — Ginkakas it kompanyang Asahi Beer, ro Japanese actor nga si Ryo Yoshizawa bilang endorser matapos sudlon ro apartment it anang kaeapit baeay nga uwa it pahanugot.
Ro insidente hay natabo sa Minato-ku, Tokyo.
Ginpahayag nga hilong nga mayad si Yoshizawa kat aksidente imaw nga makasueod sa apartment nga kaiping it anang ginaistaran.
Ginpahayag it aktor nga bukas ro pertahan ag nagkasaea eamang imaw it ginsudlan.// nagpabilin imaw sa sueod it limang minuto antes naghalin.
Ginkumpirma it talent agency nga hilong ro aktor ag nagpangayo raya it pasaylo sa naapektuhang kaeapitbaeay.
Nakilaea ro aktor nga si Yoshizawa sa anang pagganap sa mga live-action adaptation it mga sikat nga anime series kaparehas it Tokyo Revengers, Gintama ag Bleach.
Sa pahayag it Asahi Beer, bukon it makabaeaton para sa sangka kompanya it ilimnong alkohol ro makaraya nga hueag rason nga napagdesisyunang tapuson ro kontrata ni Yoshizawa.
