KALIBO, Aklan—Sa uman nga pagbukas it lokal nga gobyerno it Kalibo it ginadayo nga horror house makaron nga tiempo it Paskwa, gin engganyo it simbahang katoliko ro tanan nga taw-an it importansiya ro kultura it kabuhi imbes nga kultura it kamatayon ag kahadlok.
Angot kara, ginpadumdum ni Fr. Tudd Belandres , parish moderator it St. John The Baptist Cathedral ro publiko nga ro Paskwa hay tiempo it pagkinasadya ag selebrasyon.
Ro mga pagtukod suno kana it horror house hay naga-imbita it mga maeain nga espiritu rason nga maabu ro mga ginasapi-an kara.
Sa pihak nga gina-respeto sigon nanda ro desisyon it LGU-Kalibo, apang padayun ro andang pag engganyo sa tanan nga mas pili-on ro kabubut-on it Gino-o ag bukon it ana it panueay.
