Sangka siyam nga dag-on nga onga ag ap-at nga iba pang magueang ro namatay samtang masobra 200 ro naninahan matapos sunggaban it saeakyan ro mga tawo sa sangka Christmas market sa Magdeburg, Germany.
Suno sa pulisya, 41 ro kritikal nga naninahan sa insidente nga nagbuhay it haeos tatlong minuto.
Ro suspek nga si Taleb al-Abdulmohsen, 50-anyos nga psychiatrist halin sa Saudi Arabia hay gin-aresto ag nagapangatubang sa kasong pagpatay ag hana nga pagpatay.
Base sa paunang imbestigasyon, ro insidente hay posibleng rason it kaakig it suspek sa pagtrato sa mga Saudi refugee sa Germany.
Uwa it natumod nga kaangtanan ro suspek sa ekstremismong Islamiko.
Ro Magdeburg Christmas market hay ginapahayag ginbangga sa entry point nga para eamang sa mga emergency vehicles.
Kapin sa 100 nga pulis, medics, gt bumbero, kaibahan ro 50 nga rescue personnel ro nagbueoligan sa pagresponde sa nasambit nga insidente.
Ginakabig ni German Chancellor Olaf Scholz ro insidente bilang makangi-eidlis nga trahedya kon sa siin nagtao raya it suporta sa mga biktima ag ginpasiguro ro maid-id nga imbestigasyon agud nga mataw-an it hustisya ro tanan nga nabiktima sa nasambit nga insidente.
