KALIBO, Aklan—Ginkumpirma it US customs and border protection ag mga opisyal halin sa Mexico ro pagkamatay it kapin sa siyam nga migrants sa Rio Grande matapos nga ginhana it dinosena nga mga tawo magtabok maeapit sa Eagle Pass, Texas.
Suno kay Bombo International Correspondent Greg Aguilar it California nga nadiskubrehan ro mga bangkay matapos nga gin-agtunan ro lugar it mga opisyal ag ginbawaean ro mga tawo nga magtabok it suba bangud sa mabaskog nga sueog tuga it mabaskog nga uean.
Narekober it US offiicials ro an-um nga bangkay samtang tatlo ro nakita it Mexican team kun sa siin pila sa mga raya hay mga magueang eon ag mga unga.
Mag-eowas kara, maabu nga iba pa ro na-rescue samtang ro iba hay ginpang-presu.
Sa makaron hay nagapadayun ro mga opisyal halin sa magtimbang nga borders it iba pang mga posibleng naging biktima.
Kaabuan sa mga raya hay gustong magtabok sa US sa pageaum nga mataw-an it manami nga pagpangabuhi.
