-- ADVERTISEMENT --
Pagapaduyunon it South Korean Embassy ro pagtao it tanan nga klase it visa, kaibahan eon ro mga tourist visa kamana man ro pagbaton it mga aplikasyon para kanda umpisa sa Hunyo 1.
Sa sangka notice nga naka-post sa website it embahada, ginahambae it gobyerno it South Korea nga ro may maabu nga entry visa nga gin-isyu bag-o ro Abril 5, 2020 nga owa pa nag-expire hay puwedi sa gihapon nga pagagamiton nga indi eon kinahangean pa it bag-ong aplikasyon.
Ro Submission of Consent for Isolation hay indi eon pagkinahangeon it embahada.
Samtang ro mga detalyadong impormasyon, kapareho it pamaagi it aplikasyon it visa, gay iga-anunsyo sa masunod nga mga inadlaw.
