Nagdeklara it martial law si South Korean President Yoon Suk Yeol.
Raya ro unang kahigayunan nga ginpatuman ro martial law sa South Korea.
Uwa ginsambit ni Yoon kon ano ro paeag halin sa nuclear-armed nga North Korea ag sa baylo hay nakatutok raya sa mga kontra nanda sa pulitika sa nasyon.
Sa idaeom it martial law hay ginbawae ro anumang aktibidad sa parliyamento ag political parties samtang ro mga media ag publishers hay una sa idaeom it kontrol it martial law command.
Ginharangan eon man it kapulisan ro mga entrada it edipisyo it Parliamento.
Samtang, nagpasa ro South Korean parliament it motion nga makakas ro nasambit nga deklarasyon.
Suno sa mga mamalidha nga ro nasambit nga motion hay ginpasa sa pinaagi it National Assembly ag uwa eamang raya nagapanawagan nga bawion kundi nagakadapat nga sabton.
Rason nga makataliwan ro pilang oras hay ginbawi eon it South Korean President ro pagpatuman kara it Martial law ag ginmanduan nana ro mga military nga bumalik eon sa andang kampo.
Makakas eamang ro Martial Law sa pamaagi it pagpueong it State Council ukon gabinete.
Makaron nga agahon pa eamang ro pag-convene it State Council ag kinahang-ean it quorum para sa pag-apruba it nasambit nga resolution.
Nagpanawagan man raya sa National Assembly nga punduhon eon ro uwa it pueos nga tikang kaparehas it makapilang beses nga panawagan it impeachment, legislative manipulations ag budget manipulation nga magasamad sa mga hueag it estado.
