KALIBO, Aklan—Sa atubang it padayun nga pagtaas it presyo it mga nagapangunang baeak-eon, suportado it sangguniang panlalawigan it Aklan ro ginaproponer nga laye sa manabang kapueungan it kongreso nga nagatuyo nga pataasan ro diskuwento nga ginatau sa senior citizens ag persons with disability ukon PWDs.
Suno kay Aklan 2nd district board member Jay Tejada nga suportado nana ro gindihon nga hagna ni Agusan del Norte 2nd Dist. Rep. Dale Corvera bangud nga mabahoe nga bulig ro anang ginsuhestiyon nga halin sa presenteng 5% hay obrahon nga 8.5% ro diskuwento it senior citizens ag PWDs sa pagbakae it basic commodities.
Ginpamilit kara nga sobra-sobra eon ro ginsaka it inflation rate makaron kumpara ko unang ginpatuman ro senior citizens discount ko 2008.
