Spanish Government, aprubado eon ro laye nga magata-o it 100 euro nga bulig sa mga ina nga may onga it hasta sa tatlong dag-on

KALIBO, Aklan—Aprubado eon it Spanish Government ro sangka laye nga nagatao it 100 euro nga bulig kada buean para sa mga ina nga may mga unga nga naga-edad 0 hasta tatlong dag-on.

Suno kay Bombo International Correspondent Maria Edzel Lamparero Lopez it Madrid, Spain nga umpisa Enero 2023 hay mabaton eon it mga ginikanan ro ayuda para sa andang mga unga nga eakip sa nasambit nga age group.

Kwalipikado sigon sa programa ro mga ina nga legal nga naga-istar ag naka-trabaho it masobra sang buean sa Espanya.

Mag-euwas kara, aprubado eon man it gobyerno ro pagtao it pitong adlaw nga paid leave kada dag-on sa mga empleyado nga may mga unga nga naga-edad it 0 hasta 8 dag-on.