BUSINESS News —- Ginpamilit it Sugar Regulatory Administration (SRA) nga ro presenteng sitwasyon ro nagduso sa ahensya nga mag-import it 200,000 metric tons it asukar.
Suno kay SRA Administrator Hermenegildo Serafica, bangud sa pagpanaeasa it bagyong Odette sa taeamnan it tubo, nasamad ro mga warehouses, mga facilities ag equipment it mga sugar mills ag refineries sa mga nagapangunang sugar milling districts sa nasyon nga naging rason it pagnaba it sugar stocks.
Bangud kara, napilitan ro SRA nga uman nga bag-uhon ro pre-final crop estimate it “raw sugar production”.
Halin sa naunang 2.099 metric tons nga pre-final crop estimate ginpanabaan eon lang raya sa 2.072 metric tons .
Ginpahayag ni Serafica nga bastante eon ro iga-import nga 200,000 metric tons it refined para mapun-an ro kakueangan.
Makaangkon it buffer stock hasta sa pag-umpisa it masunod nga milling season.
