KALIBO, Aklan—Ginapadumdum it simbahang katolika ro mga sumilimba nga obrahon nga maayos ag disente ro ginasuksok sa pagtambong sa simbang gabi ag mag-focus sa misa.
Suno kay Fr. John Jerome Velarde it St. John The Baptist Parish nga sagrado ro tradisyunal nga simbang gabi, kun sa siin nataeupangdan sigon nga may mga nagakina-on eabi eon ro mga inunga ag naga-inistorya .
Dapat suno kana nga obrahon nga seryoso ag hantup sa tagipusuon ro pagpamati sa misa agud nga maging sentro it andang atensyon ro Diyos.
Daywa sigon ro andang misa para sa simbang gabi ukon misa de gallo nga naga-umpisa eon ko December 15 hasta 23 bandang alas-6:30 it gabi-i ag December 16 hasta 24 bandang alas-4:30 it aga-aga .
Apela nana nga manami nga matapos ro siyam nga adlaw nga simbang gabi para sa mga partikular nga intensyon.
Suhestiyon pa nana nga sa raya nga tiempo hay magkumpisar ag magpamaeandong .
Makabig sigon raya nga spiritual preparations sa pag-abot it paskwa ukon pagdumdum sa pagkatawo ni Hesukristo.
Samtang, mag-eowas sa simbahan hay may ginapatigayon man nga mga misa sa mga barangay chapels .
