Uman nga ginpamatud-an it Team USA ro andang dominasyon sa Olympic basketball matapos pyerdihon ro host country nga France sa Paris 2024.
Sa pagpanguna ni Steph Curry, naangkon it Team USA ro andang ika-5 sunod nga bueawang medalya ag ika-17 overall sa kasaysayan it Olympics, matapos ro 98-87 nga kadaeag-an sa France.
Nauman ro pagdaog it mga raya kontra sa France nga natabo eon ko Tokyo 2020 finals, kon sa siin uman nga nakuntento ro mga Pranses sa silver medal, ro andang pangaywang sunod ag ika ap-at nga overall.
Mahipos sa unang parte it hampang, nagpakitang-gilas si Curry sa ulihing tatlong minutos it hampang kon sa siin umiskor imaw it 12 puntos halin sa maeayong tira para makumpleto ro kabilugang 24 puntos.
Ro pick-and-pop play nanda ni Lebron James hay uwa napunggan it France kapin eon kat magpasabog si Curry it mga tres nga nagpugong sa pag-arangkada it mga Pranses.
Sa pihak it hugot nga pagdepensa it France kapin eon ni Victor Wembanyama nga nakasueod it tres sa ulihing minuto hay uwa eon sanda nakabawi pa.
Sa ulihi, sangka grabeng tres halin kay Curry ro nagselyo sa pagdaog it Team USA, kapin eon ag nagalig-on sa andang pagpamayagpag sa Olympic basketball.
