KALIBO, Aklan – – – Naaresto sa ginpatigayon nga hot pursuit operation it Boracay Tourist Assistance Center (BTAC) ro sangka 18 anyos nga eaeaki matapos nga magpang-snatch it pouch wallet it sangka Korean national sa Station 3 Barangay Manoc-manoc Boracay.
Ro suspek nga gilayon nga gin-aresto it mga kapulisan hay ginkilaea kay Jelito Claud, 18-anyos, residente it Barangay Nabaoy, Malay.
Suno sa tagreklamo nga ginkilaea man kay Jong Kun Ha, sa legal nga pangidaron, sangka Korean national hay nagpanilong eamang imaw kaibahan ro anang nobya nga Pinay sa guwa it sangka club.
Apang nakit-an sigon it suspek ro bitbit nga wallet ku nobya it Koreano ag ingida raya nga ginhabnit ag kumaripas it daeagan paeayu.
Insigida man nga nag-ayu it police assistance ro biktima ag sa andang pagresponde natigayon nga nadakpan ro suspek nga si Claud.
Natigayon nga mabuoe sa biktima ro kapin sa P50,000 pesos ag mga dollar money.
Nasayuran nga nagabakasyon eamang sa isla ro biktima.
Sa makaron hay temporaryong nakahunong sa BTAC PNP ro suspek ag padayun pa nga gina-usoy it mga kapulisan ron gina alegar nga kaibahan it suspek.
