KALIBO, Aklan—Nagapadayun makaron ro hot pursuit operation it Banga Municipal Police Station sa 40-anyos nga suspek matapos ro natabo nga pagpamuno sa daywang ka mga persona sa Brgy. Linabuan Sur, Banga.
Nakilaea ro mga biktima nga sanday Railey Inguillo, 44-anyos ag Egardo Dela Cruz, 58-anyos samtang ro suspek hay nakilaea kay Rogel Angeles, 41-anyos parehong mga residente it nasambit nga lugar.
Base sa inisyal nga imbestigasyon it Banga PNP, nagtueokan it maeain ro suspek ag ro biktimang si Railey matapos sandang magsub-eang sa daean hasta sa nag-abot sa punto nga naugot eon si Angeles ag gumabot it siyaw.
Bangud kara, nag-angkon it lastro sa waea nga alima si Railey samtang naiguan man sa waea nga alima si Edgardo matapos raya nga magpatunga.
Insigida man nga nagpaeagiw ro suspek matapos ro insidente.
Ro mga biktima hay pareho man nga gin-refer sa Out Patient Department it Aklan Provincial Hopsital.
Samtang, ro suspek hay nagapabilin nga at large.
